तदर्थ समितिका अध्यक्ष श्री सोम गुरुङको अध्यक्षता तथा संस्थापक/सल्लाहकारज्यूहरु लगायत तमु सदस्य/शुभचिन्तकहरु को विशेष उपस्थितीमा संस्थाको देउसी भैलो कार्यक्रमको समीक्षा तथा ल्होसार तयारी सम्बन्धि २ वोटा छुट्टा-छुट्टै विशेष बैठकहरु सम्पन्न भई तपसील बमोजिमका प्रस्तावहरुमा छलफल गरी विभिन्न निर्णयहरु भएको व्यहोरा जानकारी गराईन्छ ।

पहिलो बैठक मिति : २०२२ नोभेम्बर १३ आइतबार Everest Taekwondo, मिसिसागा
दोश्रो बैठक मिति : २०२२ नोभेम्बर १८ शुक्रबार Online Microsoft Team Platform

बैठकमा छलफलका लागि पेश भएका प्रस्तावहरु,

१) देउसी भैलो कार्यक्रमको समीक्षा सम्बन्धमा ।
२) ल्होसार कार्यक्रम तयारीको सम्बन्धमा ।

प्रस्ताव # १ माथि, छलफल गर्दा देहाय बमोजिमको निर्णय भएको जानकारी गराईन्छ ।

• समग्रमा देउसी भैलो कार्यक्रम सफल रहेको निस्कर्ष गरिएको छ। यो बर्सको संगीतमय देउसी भट्याइ निकै आकर्षक रहेको यसको निरन्तरता को लागि अर्को बर्षको कार्यक्रममा अरु तयारि गर्ने , खानाका परिकार वा मात्रा हरु अलि बढाउने, सेलरोटी किन्ने र सहभागी संख्या बढाउनको लागि पहल गर्ने जस्ता केहि सुधार को बिषयहरुमा छलफल भयो र यो बिषयहरुलाई पुर्बतायारी बैठकहरूमा फेरी बिशेष महत्त्वका साथ छलफल गर्ने।

• तमु ल्होसार हाम्रो समुदायको महत्त्वपूर्ण पर्ब भएकोले यसको प्रबर्धन र निरन्तरताको निमित्त निम्न मिति र स्थानमा प्रत्यक्ष भेटघाटमा कार्यक्रम गर्ने निर्णय गरेका छौ। यो कार्यक्रम आधा खुल्ला (Semi-Open) किसिम को गर्ने निर्णय भएको हुदा तमु परिवारको नजिकको साथीभाई तथा परिवार हरुलाई पनि कार्यक्रममा सहभागिताको लागि निमंत्रनाको लागि आग्रह गर्ने निर्णय भएको छ।